ಪಂಚದಶೋSಧ್ಯಾಯಃ
ವಾಸುದೇವಾಂಘ್ರ್ಯನುಧ್ಯಾನಪರಿಬೃಂಹಿತರಂಹಸಾ ।
ಭಕ್ತ್ಯಾ ನಿರ್ಮಥಿತಾಶೇಷ
ಕಷಾಯಧಿಷಣೋSರ್ಜುನಃ ॥೧॥
ಗೀತಂ ಭಗವತಾ ಜ್ಞಾನಂ
ಯತ್ತತ್ಸಂಗ್ರಾಮಮೂರ್ಧನಿ ।
ಕಾಲಕರ್ಮತಮೋರುದ್ಧಂ
ಪುನರಧ್ಯಗಮದ್ ವಿಭುಃ ॥೨॥
ವಿಶೋಕೋ ಬ್ರಹ್ಮಸಂಪತ್ತ್ಯಾ
ಸಂಚ್ಛಿನ್ನದ್ವೈತಸಂಶಯಃ ।
ಲೀನಪ್ರಕೃತಿನೈರ್ಗುಣ್ಯಾದಲಿಂಗತ್ವಾದಸಂಭವಃ ॥೩॥
ನಿಶಮ್ಯ ಭಗವನ್ಮಾರ್ಗಂ
ಸಂಸ್ಥಾಂ ಯದುಕುಲಸ್ಯ ಚ ।
ಸ್ವಃಪಥಾಯ ಮತಿಂ ಚಕ್ರೇ
ನಿವೃತ್ತಾತ್ಮಾ ಯುಧಿಷ್ಠಿರಃ ॥೪॥
ಯದಾ ಮುಕುಂದೋ
ಭಗವಾನಿಮಾಂ ಮಹೀಂ ಜಹೌ ಸ್ವತನ್ವಾ ಶ್ರವಣೀಯಸತ್ಕಥಃ ।
ತದಾ
ಹರಾವಪ್ರತಿಬುದ್ಧಚೇತಸಾಮಭದ್ರಹೇತುಃ ಕಲಿರನ್ವವರ್ತತ ॥೫॥
ಯುದಿಷ್ಠಿರಸ್ತತ್
ಪರಿಸರ್ಪಣಂ ಬುಧಃ ಪುರೇ ಚ ರಾಷ್ಟ್ರೇ ಚ ಗೃಹೇ ತಥಾತ್ಮನಿ ।
ವಿಭಾವ್ಯ
ಲೋಭಾನೃತಜಿಹ್ಮಹಿಂಸನಾದ್ಯಧರ್ಮಚಕ್ರಂ ಗಮನಾಯ ಪರ್ಯಧಾತ್ ॥೬॥
ಸ್ವರಾಟ್ ಪೌತ್ರಂ ವಿನೀತಂ
ತಮಾತ್ಮನೋSನವಮಂ ಗುಣೈಃ ।
ತೋಯನೀವ್ಯಾಃ ಪತಿಂ ಭೂಮೇರಭ್ಯಷಿಂಚದ್
ಗಜಾಹ್ವಯೇ ॥೭॥
ಮಧುರಾಯಾಂ ತಥಾ ವಜ್ರಂ
ಶೂರಸೇನಪತಿಂ ತತಃ ।
ಪ್ರಾಜಾಪತ್ಯಾಂ ನಿರೂಪ್ಯೇಷ್ಟಿಮಗ್ನೀನಪಿಬದೀಶ್ವರಃ ॥೮॥
ವಿಸೃಜ್ಯ ತತ್ರ ತತ್ಸರ್ವಂ
ದುಕೂಲವಲಯಾದಿಕಮ್ ।
ನಿರ್ಮಮೋ ನಿರಹಂಕಾರಃ
ಸಂಚ್ಛಿನ್ನಾಶೇಷಬಂಧನಃ ॥೯॥
ವಾಚಂ ಜುಹಾವ ಮನಸಿ ತತ್ಪ್ರಾಣ ಇತರೇ ಪರಮ್ ।
ಧೃತ್ಯಾ ಹ್ಯಪಾನಂ ಸೋತ್ಸರ್ಗಂ
ತತ್ಪರತ್ವೇ ಹ್ಯಜೋಹವೀತ್ ॥೧೦॥
ತ್ರಿತ್ವೇ ಹುತ್ವಾSಥ
ಪಂಚತ್ವಂ ತಚ್ಚೈಕತ್ವೇSಜುಹೋನ್ಮುನಿಃ ।
ಸರ್ವಮಾತ್ಮನ್ಯಜುಹವೀದ್
ಬ್ರಹ್ಮಣ್ಯಾತ್ಮಾನಮವ್ಯಯೇ ॥೧೧॥
ಚೀರವಾಸಾ ನಿರಾಹಾರೋ
ಬದ್ಧವಾಙ್ಮುಕ್ತಮೂರ್ಧಜಃ ।
ದರ್ಶಯನ್ನಾತ್ಮನೋ ರೂಪಂ
ಜಡೋನ್ಮತ್ತಪಿಶಾಚವತ್ ।
ಅನಪೇಕ್ಷಮಾಣೋ ನಿರಗಾದಶೃಣ್ವನ್
ಬಧಿರೋ ಯಥಾ ॥೧೨॥
ಉದೀಚೀಂ ಪ್ರವಿವೇಶಾಶಾಂ
ಗತಪೂರ್ವಾಂ ಮಹಾತ್ಮಭಿಃ ।
ಹೃದಿ ಬ್ರಹ್ಮ ಪರಂ ಧ್ಯಾಯನ್
ನಾವರ್ತೇತ ಗತೋ ಯತಃ ॥೧೩॥
ಸರ್ವೇ ತಮನು
ನಿರ್ಜಗ್ಮುರ್ಭ್ರಾತರಃ ಕೃತನಿಶ್ಚಯಾಃ ।
ಕಲಿನಾSಧರ್ಮಮಿಶ್ರೇಣ
ದೃಷ್ಟ್ವಾ ಸ್ಪೃಷ್ಟಾಃ ಪ್ರಜಾ ಭುವಿ ॥೧೪॥
ತೇ ಸಾಧುಕೃತಸರ್ವಾರ್ಥಾ
ಜ್ಞಾತ್ವಾSSತ್ಯಂತಿಕಮಾತ್ಮನಃ ।
ಮನಸಾ ಧಾರಯಾಮಾಸುರ್ವೈಕುಂಠಚರಣಾಂಬುಜಮ್ ॥೧೫॥
ತದ್ಧ್ಯಾನೋದ್ರಿಕ್ತಯಾ
ಭಕ್ತ್ಯಾ ವಿಶುದ್ಧಧಿಷಣಾಃ ಪರೇ ।
ತಸ್ಮಿನ್ ನಾರಾಯಣಪದ
ಏಕಾಂತಮತಯೋSಪತನ್ ॥೧೬॥
ಅವಾಪುರ್ದುರವಾಪಂ ತೇ
ಅಸದ್ಭಿರ್ವಿಷಯಾತ್ಮಭಿಃ ।
ವಿಧೂತಕಲ್ಮಷಂ ಸ್ಥಾನಂ
ವಿರಜೇನಾತ್ಮನೈವ ಹಿ ॥೧೭॥
ದ್ರೌಪದೀ ಚ ತದಾಜ್ಞಾಯ
ಪತೀನಾಮನಪೇಕ್ಷತಾಮ್ ।
ವಾಸುದೇವೇ ಭಗವತಿ ಏಕಾಂತಮತಿರಾಪತತ್ ॥೧೮॥
ಯಃ ಶ್ರದ್ಧಯೈತದ್
ಭಗವತ್ಪ್ರಯಾಣಂ ಪಾಂಡೋಃ ಸುತಾನಾಮಪಿ ಸಂಪ್ರಯಾಣಮ್ ।
ಶೃಣೋತ್ಯಲಂ ಸ್ವಸ್ತ್ಯಯನಂ
ಪವಿತ್ರಂ ಲಬ್ಧ್ವಾ ಹರೌ ಭಕ್ತಿಮುಪೈತಿ ಶಾಂತಿಮ್ ॥೧೯॥
॥ ಇತಿ ಶ್ರೀಮದ್ಭಾಗವತೇ ಮಹಾಪುರಾಣೇ
ಪ್ರಥಮಸ್ಕಂಧೇ ಪಂಚದಶೋSಧ್ಯಾಯಃ ॥
ಭಾಗವತ ಮಹಾಪುರಾಣದ
ಮೊದಲ ಸ್ಕಂಧದ ಹದಿನೈದನೇ ಅಧ್ಯಾಯ ಮುಗಿಯಿತು.
*********
No comments:
Post a Comment